Angela

Angela
Originally uploaded by AMANITO

После неколку наврати на оваа фотографија, сватив дека има нешто во неа, нешто кое што не ми дозволува само да ја прешкртам и избришам од колекцијата фотогрфии кои што се за покажување.
Малку по малку низ прегледот и корекцијата се појавуваа совршеностите и несовршеностите кои самата фотографија си ги носи со себе.

В’Сурат

По повод новата емисија В’Сурат со Андреј направивме една фото сесија за потребите на продукцискиот дизајн на емисијата. Малку повеке контраст со нагласок на емоции од урбаната култура што се случува во градов и млаку пошироко преку експресиите на Главниот лик на оваа ТВ емисија.
Поголем дел од фотографиите се поставени на мојот .

Си помислив!

Додека се мислев како да го направам мојот самоправски RingLight во другата соба до мене се правеа некои новитети: бушење, кршење, сечење влечење и слично. Повремено се консултирав со Мајсторот како да изведам одредени работи за да на крај успеам на некаков пипни расипи начин го склопам. Сето тоа беше убаво направено ама дали функционира, е да тоа беше големо прашање. Ми требаше кандидат, кој друга ако не Мајсторот прв да го проба. За да не се оштети измести и слична трансформација на самоправскиот RingLight пожелно беше да моделот биде во исправено наведната позицијата врз светлото. Спонтаната шминка од бушењето и сите други детали кои се најдоа на лицето на Мајсторот даде една вистинска фотографија во тој момент. Се надевам дека ви се допаѓа, а и да не ви се допаѓа пак ќе ја видите нели :).

OLD VS oung

Силмак??? Што е тоа дали некој воопшто знае?

Тоа ви е нешто како еден стар Хичкок филм каде што работат луге (ако можат така да се наречат). Повеќе би ги нарекол душички кои лебдат во просторот преполн со прашина од сите хемиски случувања што ги прават за да се добие некаков полупроизвод за некој си метал. Со други зборови тоа страшно изгледа. Ги замоливме лугето од Силмак да ни дозволат да снимиме неколку фотографии за да видиме како таа локација изгледа. Пробувајки да направам неколку фотографии приметив дека моето тело воопшто не е навикнато во такви услови да престојува ама понесен од фотографирањето пробував да се воздржам уште некоја секунда за да направам барем уште по една фотографија. Вработените тоа прилично одма го приметија и ме засолнија за момент во друга просторија за да се адаптирам малку понудувајки ми ладна кисела вода која не стои во фрижидер туку под млаз вода. Спонтано еден по еден се појавуваа пред обиективот местејки се како Модели од некоја позната агенција и позирајки најприродно во свет.

---

За разлика од манакенот што го носевме со нас кој што изгледаше мазен нашминкан и дотеран се потрудивме колку можеме да го измачкаме но сепак да ја доловува автентичноста на фејкерска шминка, сепак оригиналот си е оригинал на крај.

Поголемиот дел од колекцијата прегледај го тука

Природа

Петок 2008година 06 месец и 13-ти ден, неработен според календарот на неработни празици…
Што да се прави? Супер прилика да се изненади некоја природна околина со нашите тела. Како и секогаш тука се сонцето и облаците како главни фактори за временските погоди и непогоди. комбинацијата на едното или другото не не спречи за разлика од многуте да се довлечкаме до Маврово и на кратко да отидеме до познатото Мавровско селце ако може така да се нарече попознато по свадбата Галичка, Галичник.

Баскерфест по 3 пат

На самото припремање пред самото отварање на третиот по ред Баскерфестивал се деси една неочекувана слика која што во моментот ја видов низ мојот фотоапарат. За среќа како и секогаш со полни батерии празни картици и спремни обиективи реагирав на време и успеав да го забележам. Бидејки се спремаше мало невреме поточно краток дожд позадината (облаците) која беше осветлена од сонцето кое заоѓаше ме инспирираше да го поставам главниот обиект баш токму тамо, на таа светла текстурална позадина.